Prishtinë, 16 prill, NOA – “Me shpalljen e pavarësisë, Kosova nisi rrugën e saj, por nuk ka mundur ende t’i shkojë deri në fund. Aktualisht, është e bllokuar në mes të rrugës”.
Kështu është shprehur shefi i UNMIK-ut në Prishtinë, Lamberto Zanier, gjatë një interviste, duke pohuar faktin se Kosova gjendet në një moment të vështirë të rrugës së saj të zhvillimit politik.
Sipas tij, në Kosovë nuk ka pasur një strategji të qartë, derisa vendimi për statusin pas ndërhyrjes ushtarake, në vazhdimësi është shtyrë bazuar në idenë “shohim e bëjmë”. “Edhe sot jemi ende duke pritur”, tha më pas ai.
Duke pohuar se bashkësia ndërkombëtare duhet të jetë e ndërgjegjshme të mos përsërisë në Libi gabimet e bëra gjatë ndërhyrjes në Kosovë, e duke mos lënë pa përmendur faktin se pas kësaj ndërhyrje ushtarake, një pjesë e bashkësisë ndërkombëtare mori anën e Serbisë.
n.e/NOA
