E mërkurë, 20 prill 2011, NOA- Kryetarja e parlamentit Jozefina Topalli, njëherësh nënkryetarja e Partisë Demokratike, në vijim të fushatës elektorale është ndalur në komunën Gruemirë.
Nga kjo zonë ajo prezantoi Asim Burgaj si kandidatin e koalicionit “Aleanca për qytetarin”, për komunën Gruemirë.
“Më 8 maj janë zgjedhje lokale, janë zgjedhje administrative, janë zgjedhje vendore dhe unë ju ftoj të votoni për Asim Burgaj. Në komunën e Guemirës ne do bëjmë çdo gjë, do të investojmë dhe do të financojmë për zhvillimin e kësaj zone. Fushata jonë është fushatë pozitive. Ne respektojmë dhe do i shërbejmë çdo banori të kësaj komune”, u shpreh ajo.
Nënkryetarja e PD-së në vijim tha se, në 4 vitet e ardhshme do ndërtohet ujësjellësi në fshatin Grizhë si dhe rrugën Gruemirë- Kurtaj.
Lidhur me kandidatin e kësaj komune, Topalli shprehu bindjen se ai do jetë gjatë gjithë kohës në shërbim të banorëve.
“Fushata jonë është fushatë pozitive, prandaj ne do të votojmë si Europianë, në paqe e të lirë”, deklaroi kryeparlamentarja.
a.y/NOA
