Përrenjas, Elbasan, 23 Prill 2011 NOA - Një 45 vjeçar po lufton me vdekje pasi në punë e sipër është dëmtuar sot në Përrenjas, raporton korrespondenti i agjencisë NOA në Elbasan, ku në spitalin e këtij qyteti është transportuar personi i plagosur rëndë.
i dëmtuari pësoi aksident ndërsa ishte duke punuar për nxjerrjen e skrapit. Në një moment humbje ekuilibri ai ka rënë nga një lartësi prej rreth katër metrash, teksa punonte tek vendi i quajtur ish-minierat.
Për këtë shkak, 45-vjeçari Gëzim Kasa ka pësuar dëmtime të rënda. Në gjendje kritike për jetën ai u dërgua në spital. Policia ka dërguar një grup hetimor në vendngjarje, për të zbardhur rrethanat.
a.k/NOA
