Tiranë, 25 Prill 2011 NOA – Një person është qëlluar me armë duke mbetur i vrarë para pak minutash në rrugën e Kavajës, pranë ambasadës greke.
Burime policore në vendngjarje i thanë agjencisë NOA se Sulejman Haxhia, rreth 60 vjeç, me banim në kryeqytet, është qëlluar me armë zjarri duke marrë plagë vdekjeprurëse.
Viktima edhe pse është nisur për t’u dërguar në spital, nuk arriti të mbijetojë, bëjnë të ditur për agjencinë NOA, burime policore në vendin e krimit.
Hetimet e para nxjerrin si pistë kryesore atë të një ekzekutimi për shkaqe hasmërie.
e.t/NOA
