Tiranë, 25 prill 2011, NOA – Lideri socialist dhe kryebashkiaku Edi Rama i bëri thirrje pak minuta më parë banorëve të minibashkisë nr. 3 në Tiranë që në 8 maj ta nxjerrin të papunë Sali Berishën.
Gjatë takimit me banorët e kësaj njësie në kryeqytet kryesocialisti Rama që garon për mandatin e katërt në krye të bashkisë së Tiranës deklaroi se në 8 maj të gjithë të papunët do të jenë pranë kutive të votimit.
Rama i kërkoi votën banorëve të kësaj minibashkie të Tiranës duke u bërë me dije se me alternativën e Partisë Socialiste “E vetmja rrugë” do t’i jepet fund varfërisë. “Është koha t’i japim një të ardhme vendit”, apeloi kryebashkiaku Rama.
Ai theksoi se në 8 maj ata që po keqqeverisin vendin do të japin llogari për të gjitha padrejtësitë. Vijon..
mit/NOA
