Tiranë, 27 prill 2011, NOA – Raimonda Asllani, e dënuar me 5 vite burg në mungesë për mashtrim është ekstraduar sot nga Italia. Policia e Shtetit bën me dije se 46-vjeçarja Raimonda Ismail Asllani u ekstradua sot rreth orës 14.00 nga Zyra Qendrore Kombëtare e Interpol Tiranës.
Raimonda Asllani u shpall shpallur fajtore nga Gjykata e Tiranës pasi ka mashtruar një tjetër shtetase duke i kërkuar dhënien e një sasie të konsiderueshme eurosh dhe lekësh, në shkëmbim të dy vizave amerikane, prej rreth 20.050 Eurosh, dhe 700.000 Lekësh.
Ajo u arrestua 10.03.2011, në Itali falë bashkëpunimit të Interpol Tiranës me Interpol Romën.
Procesi i ekstradimit të Raimonda Asllanit vijoi me dorëzimin e saj në aeroportin “Nënë Tereza” në Rinas pranë përfaqësuesve të Drejtorisë së Përgjithshme të Burgjeve.
mit/NOA
