Wadi khaled-Liban, 28 prill 2011, NOA- Brenda 24 orëve të fundit nga dhuna në Siri janë arratisur 2500 deri në 3000 persona, kryesisht gra e fëmijë. Të arratisurit mësohet se janë dyndur drejt Libanit në kufi me Sirinë dhe janë vendosur në zonën në veri Wadi Khaled.
Lajmin e bëri publik vetë kryebashkiaku i qytetit Mashur Salim.
“Njerëzit janë arratisur nga një fshat përtej kufirit, i njohur si Tal Kalakh”, tha Salim.
Ai bëri me dije se të arratisurit tregojnë me frikë se tanket kanë pushtuar zonën, ndërkohë që shpërthimet kanë plagosur dhjetëra njerëz nëpër rrugë.
mit/NOA
