Lezhë, 29 prill NOA – Një 17 vjeçar është arrestuar nga policia e Lezhës, pasi dyshohet si autor i mundshëm i grabitjes së një pike karburanti dje gjatë orëve të para të mëngjesit.
Personi me inicialet, S. M, lindur në Kukës dhe banues në fshatin Gorre, komuna Fushë-Kuqe, rrethi Kurbin , punonte i punësuar si roje nate.
Ndalimi i tij është bërë nga policia për armëmbajtje pa leje, pasi në banesë u gjet dhe u sekuestrua një arme zjarri, pushkë model 56 me 19 fishekë.
Ndërkohë që policia po heton mbi mundësinë e përfshirjes së tij në vjedhjen me dhune në bashkëpunim të karburant “Ekzeni”, në autostradën Laç-Fushë-Krujë.
Grabitja me dhunë është bërë në datën 28 prill 2011, rreth orës 03.15. Sipas dëshmive autorët kanë qenë dy dhe i kanë marrë shitësit të karburantit, 30.000 lekë si dhe telefonin celularë.
Siaps shitësit njëri prej autorëve ka qenë i armatosur. Policia po vazhdon hetimet për zbardhjen e ngjarjes dhe verifikimin e armës.
a.k/NOA
