Tiranë, 29 prill, NOA – Dy persona kanë mashtruar familjarët e një të burgosuri duke u shtirur si prokurorë të krimeve të rënda. Renato Zef Pervaza, 36 vjeç, lindur dhe banues në Shkodër, i dënuar më parë për veprën penale të “Mashtrimit” dhe “Falsifikimit të dokumenteve” dhe Mark Nikoll Paloka, 47 vjeç, lindur dhe banues në Lezhë janë dy personat e arrestuar që akuzohen për mashtrim.
Prevaza dhe Paloka janë arrestuar pas denoncimit të familjes së të burgosurit për marrjen e shumës prej 5 mijë eurosh, në kuadër të operacionit “prokurori i rremë”.
Prevaza është paraqitur si Prokuror i Krimeve të Rënda, duke i premtuar një familje lirimin e një të burgosuri, i cili vuante dënimin në Burgun e Shënkollit.
Pas denoncimit policia ka ndërhyrë dhe ka bërë arrestimin e “prokurori” se bashku me bashkëpunëtorin e tij në flagrancë.
a.k/NOA
