E shtunë, 30 prill 2011, NOA- Lideri libian Muamar Geddaf në një deklaratë të dhënë nga televizioni shtetëror u shpreh i gatshëm për armëpushim dhe për nisjen e negociatave ne NATO-n.
Prej afro një muaj përleshjet mes trupave mbështetëse të gjeneral Geddafit dhe kryengritësve janë zhvilluar luftime të përgjakshme, çka kanë bërë që numri i viktimave të jetë në rritje.
Mediat ndërkombëtare thonë se, luftime janë zhvilluar edhe në një kalim kufitar me Tunizinë. Tunizia ka protestuar zyrtarisht kundër luftimeve në kufi për shkak të shkeljes së integritetit territorial të saj, ku si pasojë e luftimeve kanë humbur jetën 20 vetë.
Por pavarësisht deklaratës për armëpushim, Muamar Geddafi mohoi kategorikisht largimin nga vendi, por theksoi se një armëpushim nuk mund të jetë i njëanshëm kështu që edhe NATO duhet të ndërpresë sulmet e saj ajrore.
a.y/NOA
