Elbasan, 2 maj 2011, NOA – Uniformat blu të Elbasanit arrestuan tre persona, që tentuan të vrisnin me çifte një ditë më parë 34-vjeçarin nga Elbasani Ardian Duraku.
Policia e Elbasanit bën me dije se janë arrestuar Robert dhe Albert Hysa, që banojnë në fshatin Pajovë të Peqinit si dhe Ibrahim Nura nga fshati Gjyralë i Elbasanit.
Të tre të arrestuarit natën e shkuar në vendin e quajtur Kryqëzimi i Cërrikut, qëlluan me çifte drejt 34 vjeçarit Duraku, i cili po udhëtonte nga Peqini drejt Elbasanit.
Blutë e Elbasanit janë në kërkim të një personi të katërt, i cili mendohet të jetë përfshirë në këtë ngjarje.
Sipas policisë mendohet se shkak për qëllimin e Durakut është një borxh i pakthyer nga ky i fundit ndaj tre autorëve.
mit/NOA
