Tiranë, 2 maj 2011, NOA – Ndërkohë që ka nisur numërimi mbrapsht për zgjedhjet vendore të 8 majit, tre ambasadorët e partnerëve ndërkombëtarë, ambasadori amerikan Aleksandër Arvizu, ai i BE-së Ettore Sequi dhe i OSBE-së Eugen Wollfarth sapo kanë dalë nga godina e kryeministrisë ku u takuan për gati 30 minuta me kryeministrin Sali Berisha.
Takimet e shpeshta të ambasadorëve me krerët e politikë në vend kanë si lajtmotiv mbarëvajtjen e zgjedhjeve.
Pritet që kryeministria të dalë me një deklaratë për atë çka është biseduar në këtë takim të shpejtë jashtë syrit vëzhgues të mediave.
Ambasadorët i kanë shpeshtuar ditët e fundit apelet e tyre për mbarëvajtje të procesit zgjedhor të 8 majit, dhe mbajtjen e zgjedhjeve të lira e të ndershme, që sipas tyre do të shënojnë një hap të rëndësishëm për rrugën e integrimit të Shqipërisë në BE.
mit/NOA
