SHBA, 2 Maj NOA - “Ju kërkojmë ndjesë për shqetësimet që ju kemi shkaktuar”, - kanë qenë fjalët e Kazuo Hirai, shefi i bashkësisë së video-lojërave të Sony, në lidhje me humbjen e të dhënave personale të 77 milionë llogarive të shërbimeve online të PlayStation Network, si pasojë e një sulmi nga hakerat.
Hirai ka premtuar ndihmë ndaj klientëve dhe u ka bërë të ditur se shërbimi do të kthehet i mundshëm gjatë kësaj jave, me masa sigurie shumë më të forcuara.
FBI dhe autoritete të tjera janë kontaktuar për të nisur hetime, në atë që kompania e ka quajtur si një “sulm të piratëve informatikë”, në qendrën e të dhënave në San Diego, në Kalifornia.
Sulmi, siç shpjegoi një drejtues i kompanisë, ka përfshirë dhe informacionet së bashku me emrat e përdoruesve, datat e lindjeve, adresa email-i dhe të dhëna log-in.
r.b/NOA
