Tiranë, 3 maj 2011, NOA- Kreu i Partisë Socialiste njëherësh i kandiduari i saj për të fituar bashkinë e kryeqytetit Edi Rama, gjatë ditës së sotme nënshkroi një pakt qytetar ku u zotua për disa premtime në favor të qytetarëve.
Ai u zotua se do të hapë 3oo mijë vende të reja pune, do të krijojë lehtësira fiskale për biznesin prodhues, heqjen e të gjitha tatimeve të qeverisë ndaj biznesit të vogël dhe liri të paprekshme për çdo sipërmarrës.
Ndër të tjera Rama garantoi se edhe shtresat në nevojë nuk do të kenë asnjë taksë, ndërsa shtoi se qeraja për të pastrehët do të shkojë në masën 50% dhe do të mundësohen kredi të buta për ta.
Në fotografi pasqyrohen të gjitha zotimet e kandidatit për kryebashkiak të Tiranës në “Paktin qytetar”, i cili u premton shqiptarëve lehtësira dhe zhvillim ekonomik për të katërtën herë.
a.y/NOA
