Itali, 3 Maj NOA - Është një ndër temat më të diskutuara në tryeza: më mirë qentë apo macet? Një nga të dy është më superior? Kush është më i këshillueshmi për të bërë shoqëri?
Ky diskutim duhet thënë se nuk mund të përfundojë asnjëherë pasi palët respektive vështirë të bien dakord në një temë të tillë.
Megjithatë ndërkohë për ti dhënë një zgjidhje të mundshme në këtë diskutim kanë menduar shkencëtarët.
Revista angleze “New Scientist”, në veçanti, ka stiluar pikë më pikë një diskutim të bazuar mbi studime shkencore, që zgjidhet në një lloj “rregullimi llogarish”. Macja është superiore për sa i përket anës së “logjikës”, popullaritetit, komunikimit akustik, super-shqisave dh gjurmëve ekologjike.
Qeni në krahun tjetër konsiderohet si më shtëpiak, më i lidhur me padronët, zgjidhës problemesh, si me një kapacitet më të zhvilluar kuptimi dhe tepër të dobishëm.
Duke hedhur një sy të shpejtë mund të vihet re një superioritet i qenve, por sërish këto arsye nuk kanë bindur personat që janë të dashuruar pas maceve.
Sipas etologut të famshëm Danilo Mainardi, është një çështje besimi: si ai për futbollin, ata që kanë pasion kafshët ndahen në tifozë të qenit dhe të maces.
Si mund të bësh të arsyetosh një tifoz?
r.b/NOA
