Sarandë, 5 maj, NOA – Edhe pas liberalizimit të vizave nuk mungojnë rastet e kalimit të paligjshëm të kufirit. Dje policia greke ke kthyer në Shqipëri tre persona, të cilët kishin kaluar kufirin ditët e fundit.
Personat e depërtuar nga policia greke janë; Taulant Vasil Joanidhi, 26 vjeç, lindur në Përmet e banues në fshatin Stërmbec, Ylber Bajram Kadiu, 32 vjeç, lindur në Rripë e banues në lagjen 14, në Shkozet të qytetit të Durrësit, Arben Emin Pepa, 24 vjeç, lindur në Gurrë të Madhe e banues në lagjen 14, në Shkozet të qytetit të Durrësit.
Pas kthimit nga policia greke, pala shqiptare ka nisur procedimin penal në gjendje të lirë ndaj tyre. Materialet procedurlae në ngarkim të tyre i kanë kaluar Prokurorisë së Rrethit Gjyqësor Sarandë për veprën penale “Kalimi i paligjshëm i kufirit” parashikuar nga neni 297 I Kodit Penal. Autoritetet gjyqësore greke kanë dhënë dhe vendime për urdhra dëbimi ndaj tre shqiptarëve.
a.k/NOA
