Berlin, 8 maj, NOA – Në arenën ndërkombëtare, zgjedhjet e sotme në Shqipëri, shihen si një provë e madhe për stabilitetin e vendit, pas një periudhë amullie politike.
Një fakt i tillë citohet edhe në një artikull të posaçëm që prestigjiozja gjermane “Deutsche Welle” i dedikon procesit zgjedhor “Lokale 2011”, nga autori Borrud Gabrie.
Sipas tij, Shqipëria ka qenë e qetë të dielën, ku votuesit po shkojnë në votime në ballafaqimin e parë zyrtar politik pas kontestimeve të vazhdueshme të opozitës për rezultatin e zgjedhjeve të 2009-ës.
"Ky vit paraqitet më shumë interesant se vitet e tjera, por nuk është se ka më pak tensione”, citohet të flasë Luljana Konomi, vëzhguese i Partisë Demokratike për zgjedhjet në Tiranë. Artikulli vijon më pas duke thënë se qetësia relative që vihet re në mesin e votuesve në qendrat e votimit në kryeqytet përgënjeshtron një rivalitet të ashpër mes qeverisë dhe opozitës që u kthye madje deri në vdekjeprurës në janar. ”Socialistët në opozitë kanë refuzuar të pranojnë rezultatin e zgjedhjeve të 2009 që i dha kryeministrit Sali Berisha një mandat të dytë katër-vjeçar. Dhe votimi i së dielës është prova e parë e mbështetjes për qeverinë e Berishës që nga procesi i fundit elektoral në vend”, pohon autori Borrud Gabrie. Ai vijon më pas me faktin se rëndësia e votës shtrihet përtej kufijve të Shqipërisë.
Dhe se është duke u parë si një test i rëndësishëm për ofertën e këtij vendi të Ballkanit për t'u bashkuar me Bashkimin Evropian.
Brukseli hodhi poshtë kërkesën e Shqipërisë për t'u bërë një kandidate për anëtarësimin në nëntor të fundit dhe ka bërë të qartë se votimet duhet të jenë të lira dhe të ndershme në qoftë se ajo dëshiron të përfitojë nga BE statusin e kandidatit deri në fund të vitit 2011.
Artikulli mbyllet me faktin se një ekip i BE-së do të vizitojnë Shqipërinë në fund të majit.
n.e/NOA
