Ferizaj, 8 Maj 2011 NOA – Plaçkitje në antenat e kompanisë së telefonisë celulare Vala të Kosovës.
Ngjarja u denoncua të ketë ndodhur dje në orën 10.10 në zonën me antena në fshatin Carralevë, komuna Shtime e Ferizaj.
Burime zyrtare policore i konfirmuan agjencisë NOA se referuar edhe denoncimit të bërë nga një shqiptar, punëtor i sigurimit në kompaninë “Vala”, rezultoi se tek antena e kësaj kompanie, ka ndodhur një bastisje.
Sipas denoncimit, persona të panjohur kanë vjedhur rreth 2500 litra derivate të naftës, me vlerë rreth 2 500 euro.
Njësia policore ka dalë në vendin e ngjarjes por nuk ka vërejtur asnjë gjurmë apo dëmtim të rrethojës dhe derës ndaj rasti është nën hetime të mëtejshme.
a.b/NOA
