Mitrovicë, 8 Maj 2011 NOA – Protestë nxënësish maturantë për të mos e zhvilluar mbrëmjen e madhe të diplomës së gjimnazit në një hotel të Mitrovicës por në Pejë.
Incidenti ka ndodhur me nxënësit e gjimnazit “Frank Bardhi” shkollë e cila ndodhet tek rruga “Sami Raça” në qytetin Mitrovicë.
Maturantët janë tubuar para shkollës në shenjë pakënaqësie pasi ata nuk dëshirojnë ta mbajnë mbrëmjen e maturës në hotelin Pallas në Mitrovicë, por në Pejë.
Por kjo dëshirë e nxënësve maturantë nuk është pranuar. Burime nga shkolla i thanë agjencisë NOA se nxënësve një gjë e tillë nuk iu është lejuar.
Në këto rrethana, nxënësit kane protestuar deri te Kuvendi Komunal. Disa përfaqësues të nxënësve dhe arsimtarëve kanë mbajtur një takim më zyrtarët e Kuvendit Komunal për zgjidhjen e problemit, i cili tubim ka rezultuar në shpërndarjen e nxënësve.
Policia tha se nuk raportohet për ndonjë incident ndërsa nuk u bë e qartë nëse nxënësit do ta mbajnë në Mitrovicë apo në Pejë, mbrëmjen e tyre të maturës.
a.b/NOA
