Mitrovicë, 8 Maj 2011 NOA – Një bombë ka shpërthyer tek zyra e një avokati serb në Mitrovicë duke shkaktuar dëme materiale të konsiderueshme.
Korrespondenti i agjencisë NOA citon burim zyrtare policore të cilat konfirmojnë se ngjarja ka ndodhur në orën 03.26 të mëngjesit të së shtunës, në rrugën “Filipa Visnjica” në qytetin e Mitrovicës.
Raportohet se nga persona të panjohur është hedhur një mjet shpërthyes në zyrën e avokatit serb duke shkaktuar dëme materiale ndërsa nuk raportohet për të lënduar.
Megjithëse të gjitha njësitë përkatëse policore kanë dalë në vendngjarje, deri tani nuk ka të dhëna për autorë të mundshëm të identifikuar.
a.b/NOA
