Romë, 9 Maj, NOA - Nuk është e vërtetë, por i besojmë fuqisë së legjendave. Të mërkurën, më datë 11 maj sipas parashikimeve të bëra nga Raffaele Bendandi (një sismiolog popullor, i cili vdiq në 1979 dhe zhvilloi një teori për të parashikuar datën e një tërmeti), kryeqytet i Italisë do të goditet nga një tërmet shkatërrues.
Në Romë tashmë kanë filluar “përgatitjet” për këtë ditë. Shumë italianë e kanë marrë pushim, shumë nuk do i dërgojnë fëmijët në shkollë, madje edhe do largohen nga qyteti.
Shifrat për punonjësit e bashkisë janë pesimiste: të mërkurën e kanë marrë pushim mbi më shumë se 18%. Një tjetër çështje lidhet me shkollat: në mënyrë të veçantë për kopshtet, shkollat fillore dhe të mesme të cilat priten të braktisen pasnesër. "Ka pasur disa prindër që kanë pyetur nëse kishim ndër mend të mbyllnim institucionin - thotë Febbraro Franko, kreu i Principe di Piemontes - por unë i shpjegova se kjo është e gjitha një përrallë. Por e garantova se kam marr masa për çdo gjë të jashtëzakonshme”.
Për ata që besojnë në këtë legjendë hulumtuesit e Departamentit të Shkencave të Tokës të La Sapienza kanë organizuar të mërkurën në një konferencë me titull: “Në pritje të tërmetit që do të vijë: të njohin dhe të kuptojmë efektet e tërmeteve për të mësuar se si të mbrojmë veten”. Takimi do të jetë një mundësi për të larguar një frikën kolektive.
Dhe qyteti? Departamenti i sigurisë ka zhvilluar një plan të posaçëm kundër tërmetit: hartat e rrezikut, ndërhyrjet emergjente, lokalizimin e lokaliteteve më të prekshme të tërmeteve etj.
a.e./NOA
