Tiranë, 15 maj 2011, NOA Update – Ndërkohë që mbledhja e sotme e Komisionit Qendror të Zgjedhjeve nisi me debate mes palëve, përfaqësuesi i Partisë Socialiste në KQZ, Genci Gjonçaj i kërkoi KQZ-së të çertifikojë pa humbur kohë rezultatin.
Përfaqësuesi socialist bëri me dije se rezultati është i qartë dhe i vendosur nga verdikti i popullit, duke argumentuar më tej se asnjë numër nuk mund të paragjykojë vendimin e sovranit.
Gjonçaj ritheksoi se rezultati për bashkinë e Tiranës ka dalë tashmë pas përfundimit të procesit të numërimit të votave.
Andaj, ai i kërkoi kreut të KQZ-së që ta shpallë atë.
Por, përfaqësuesi i LSI-së në KQZ, Ylli Manjani kërkoi që rezultati për kryetarin e bashkisë së Tiranës të mos shpallet pa u përmbyllur procesi i numërimit të votave për kryetarët e njësive bashkiake të Tiranës.
mit/NOA
