Tiranë, 15 maj 2011, NOA- Njësia bashkiake numër 7 pak minuta më parë ka mbyllur numërimin për kryetarin e saj, duke bërë që fitues për nga numri i votave të dalë kandidati i socialistëve Erion Koka.
Të dhënat paraprake flasin se diferenca e Kokës ndaj kandidatit të koalicionit “Aleanca për qytetarin”, Krenar Alimehmeti ishte e ndjeshme.
Ky rezultat duket se vjen në sinkron me atë për kryetarin e bashkisë, pasi nga kjo minibashki kryesues me një dieferencë të ndjeshme votash ishte Edi Rama, përkundër kundërshtarit të tij Lulzim Basha.
Shifrat zyrtare nga kandidatët pritet që të publikohen zyrtarisht nga Komisioni Qendror i Zgjedhjeve, i cili do të certifikojë edhe fituesin e kësaj njësie bashkiake.
a.y/NOA
