Tiranë, 18 maj, NOA – Deputeti i Partisë Socialiste, Paulin Sterkaj tha sot për mediat se manipulimi dhe marrja e mandatit të kryetarit të Partisë socialiste, Edi Rama, nuk do të lejohet. Ai u shpreh se sjellja e kryetarit të KQZ, Arben Ristani, Kryeministrit Sali Berisha dhe kandidatit Lulzim Basha është vjedhje e hapur. Ai u shpreh se "kjo punë do të lahet me gjak, nuk ka kthim mbrapa". I irritur me forcat e rendit që kanë ndalur deputetët të hyjnë në Kuvend, Sterkaj ka theksuar se deputetët nuk do të lejojnë vjedhjen dhe korrupsionin.
Ai u shpreh se do të hyhet me çdo lloj forme brenda ambienteve të KQZ-së për të ndalur kreun e KQZ, Arben Ristani. “Do gjemë format, do hyjmë brenda me dhunë, absolutisht”, tha Sterkaj. Ndërsa deputeti Dashamir Peza tha se ligji i lejon deputetët të hyjnë brenda në KQZ.
a.k/NOA
