Trupat e Ministrisë së Brendshme ruse janë ushqyer me ushqim qeni për të kursyer para. Këtë e bëri publike ish-majori rus, Igor Matvejev.
Ky i fundit citohet nga agjencia Reuters të ketë thënë se zyrtarët kanë bërë përpjekje ta fshehin skandalin në bazën Vladivostok, ku Matvejev ka shërbyer, raporton radio RFE.Matvejev, i cili ka marrë pjesë edhe në luftërat e Rusisë kundër separatistëve çeçenë në vitet 1990, tha se është shkarkuar nga puna pas postimit të një videoje në Interet, në lidhje me korrupsionin në mesin e forcave të Ministrisë së Brendshme.
