Tiranë, 20 maj 2011 Update - Ambasadori i OSBE-së në Tiranë, tha sot se sundimi i ligjit është jashtëzakonisht i rëndësishëm në të gjitha proceset, veçanërisht në ato të interesit të lartë për vetë qytetarët.
Në Shqipëri kanë ndodhur zhvillime të rëndësishme që nga janari i vitit 2011 dhe ato kanë nevojë për një shqyrtim dhe analizë ligjore, ka vlerësuar Eugen Uolfart.
“Sundimi i ligjit nënkupton që asnjë person të mos jetë mbi ligjin”, tha Uolfart, duke shtuar se është e rëndësishme që të gjitha institucionet, të cilat janë të parapara me Kushtetutën e Shqipërisë, të punojnë në formë të pavarur, pa trysni nga jashtë.
Në Komisionin Qendror të Zgjedhjeve, ka thënë ambasadori i OSBE-së, është e nevojshme të lejohet që puna të kryhet në formë të pavarur, bazuar vetëm në sundimin e ligjit.
Keto komente zoti Uolfart i bëri pas takimit me kryeprokuroren e përgjithshme të Shqipërisë, Ina Rama.
