Tiranë, 20 maj, NOA – Në këtë hapësirë gjendet një pasqyrë e titujve të gazetave në Tiranë, për ditën e Premte, 20 Maj 2011.
Gazeta “Shekulli” hapet me titullin kryesor, “Kanë futur duart”, i cili flet për mundësinë e manipulimit të kutive të votimit që po numërohet në KQZ. Disa tituj të tjerë janë; “Revolta, bllokohen rrugët në 6 qytete”, “Barroso anulon vizitën në Tiranë”.
Gazeta “Panorama” ka si titull kryesor; “KQZ hap edhe 31 kuti, Basha shkon edhe 39 vota para, PS: Ristani është i droguar”, i cili pasqyron gjithë zhvillimet e djeshme. “Militantët e PS bllokojnë 6 orë rrugët nacionale, plagosen 5 policë nga përplasja para KQZ”, “Topi; Të kthehet normaliteti demokratik me rrugë ligjore”.
" Gazeta Shqiptare" ka si argument kryesor; “Tirana shkon në gjykatë. Policia rreh demonstruesit, Rama në mesnatë në spital”, i cili flet për zhvillimet e djeshme në KQZ dhe aksionet politike. Disa tituj të tjerë të gazetës janë “Deklarata e Paro Laçit: Do të flas dhe do bëjë vetëgjyqësi”, “Këshilltarët e PS në Shkodër, më pak në në 2007”.
Gazeta “Shqip” hapet me titullin, “Berisha-Rama, konflikti pa kthim”, i cili u referohet deklaratave të djeshme të dy drejtuese politikë. Disa tituj të tjerë janë; “Protesta paralizon vendin kaosi shtohet”, “Ngjela, Presidentit: Të arrestohen larot e KQZ”, “Ankthi i një krize të re, Shqipëria në udhëkryq”.
Gazeta “Koha Jonë” hapet me titullin; “Tirana, Basha 39 vota para”, i cili flet për rezultatin e dalë dje nga numërimi i votave në KQZ. Disa tituj të tjerë të kësaj gazete janë’ “Policia: Militantët e PS me precedent kriminal, mbajnë të rrethuar KQZ”, “Edhe presidenti Topi ngatërroi kutinë e votimit”, “LSI: PS veprime terroriste”.
Të nderuar lexues. Ky është një shërbim që ofrohet me parapagim nga agjencia e Lajmeve NOA, në shqip, anglisht, italisht e greqisht. Mundësia e parapagimit aktualisht ofrohet përmes abonimit. Për t’u abonuar në këtë shërbim dhe për t’u pajisur me një emër përdoruesi dhe kodin, dërgoni një kërkesë në adresën; info@noa.al.
a.k/NOA
