Siri, 22 maj, NOA - Forcat sirianë të sigurimit kanë hapur zjarr mbi turmën e njerëzve që merrnin pjesë në një ceremoni mortore.11 vizitorë që ishin të pranishëm në varrim u vranë, njofton aktivistja për të drejtat e njeriut Rasan Saituna për agjensinë e lajmeve Reuters.
Pjesëmarrësit në ceremoninë mortore kishin thirrur "Rrëzim i regjimit" dhe më pas në kohën kur po largoheshin nga varrezat e qytetit Homs, janë qëlluar. Njerëzit morrën pjesë në varrimin e kundërshtarëve të qeverisë, të cilët ditën e premte ishin qëlluar për vdekje. Numri i viktimave qysh prej fillimit të protestave kundër qeverisë se presidentit Baschar Assad, sipas Organizatës kombëtare për të drejtat e njeriut në Siri ka arritur në të paktën 900 vetë. Vetëm nga demonstratat e zhvilluara ditën e premte, sipas të dhënave më të fundit u vranë 44 demonstrues.
NOA/DV
