Tiranë, 28 maj 2011, NOA – Megi Ajtyresa, anëtarja e Asamblesë Kombëtare të Partisë Socialiste deklaroi para pak minutash se se me kanibalizmin elektoral në KQZ Sali Berisha ka humbur bashkë me zgjedhjet vendore edhe standardet e tyre.
“Berisha humbi zgjedhjet dhe standardet. Ai tregoi sot se është orkestruesi i manipulimit të rezultatit në tavolinën e KQZ-së” theksoi Ajtyresa në konferencën më të fundit për shtyp nga selia rozë.
Ajtyresa reagoi pas deklaratës së zëdhënëses së PD-së, duke bërë me dije se kryetari i grupit Kuvendor të PS-së Gramoz Ruçi foli me fakte e jo me fjalë për kanibalizmin elektoral që ndodhi në Komisionin Qendror të Zgjedhjeve.
“Kryetari i Grupit parlamentar të socialistëve Gramoz Ruçi foli me shifra për atë se ç’kanë bërë Sali Berisha e Arben Ristani pas numërimit të votave në Tiranë ku doli fitues Edi Rama” tha Ajtyresa.
Ajo ripërsëriti se KQZ ka kryer një kanibalizëm elektoral me votën e qytetarëve.
Anëtarja e Asamblesë Kombëtare të PS-së Megi Ajtyresa nënvizoi se turpi për këtë maskaradë të zgjedhjeve në Tiranë i mbetet Sali Berishës dhe qeverisë së tij.
“Ta harrojë Berisha se populli dhe opozita mund të gëlltisë gjellën e Ristanit”, tha Megi Ajtyresa, duke akuzuar për këtë akt të turpshëm të prishjes së standardeve të zgjedhjeve vendore Kryeministrin Sali Berisha dhe Kryetarin e Komisionit Qendror të Zgjedhjeve Arben Ristani.
mit/NOA
