Njoftim nga EUFT

Konferenca e Tretë Ndërkombëtare“Turizmi i qëndrueshëm dhe zhvillimi lokal – burimet, strategjitë dhe politikat për Shqipërinë, si pjesë e Bashkimit Evropian” dhe Nënshkrimi i Marrëveshjes së Bashkëpunimit për Krijimin e Itinerarit Kulturor të Vendeve Antike të Spektaklit

Ju informojmë se ditën e Hënë, më 30 Maj 2011 ora 10.00, në Muzeun Historik Kombëtar në Tiranë, zhvillohet Konferenca e Tretë Ndërkombëtare me temë:

“Turizmi i qëndrueshëm dhe zhvillimi lokal – burimet, strategjitë dhe politikat për Shqipërinë, si pjesë e Bashkimit Evropian”. Kjo konferencë organizohet nga EUFT në bashkëpunim me MTKRS dhe institucione të tjera.

Në nisje të kësaj Konference, do të nënshkruhet për herë të parë nga Shqipëria, Marrëveshja e Bashkëpunimit për Krijimin e Itinerarit Kulturor të Vendeve Antike të Spektaklit.

Kjo Marrëveshje – Protokoll Bashkëpunimi, përfshin për herë të parë Shqipërinë mes 901 vendeve të shpallura si pjesë integrale e Itinerarit Kulturor të Vendeve Antike të Spektaklit nga e gjithë Evropa dhe vendet e Mesdheut.

Marrëveshja ka për promotorë veç Universitetit Europian për Turizmin (EUFT), Agjencinë për Trashëgiminë Kulturore Euromesdhetare EUROMED, Provincën e Trapanit – Itali, Parkun Kombëtar Arkeologjik të Apolonisë, etj.

Marrëveshja do të nënshkruhet nga Presidentja e EUROMED, Senatorja e Senatit Italian, Prof. Dr. Adriana Poli Bortone, Drejtori i Përgjithshëm i Ministrisë së Turizmit, Kulturës, Rinisë dhe Sporteve, Klodian Pajuni, Presidenti i Distriktit Trapani – Itali, Senatori Prof. Dr. Girolamo Turano, Kryetari i Bashkisë Fier, Baftjar Zeqo, Kryetari i Bashkisë Lezhë, Viktor Tushaj, Drejtori i Parkut Kombëtar Arkeologjik të Apolonisë, Marin Haxhimihali, Rektori i EUFT, Prof. Dr Salvatore Messina, Rektori i Universitetit të Maltës.

Në konferencë do të jenë të pranishëm mes të tjerëve edhe:

Presidentja e EUROMED, Senatorja e Senatit Italian, Prof. Dr. Adriana Poli Bortone

Drejtori i Përgjithshëm i Ministrisë së Turizmit, Kulturës, Rinisë dhe Sporteve, Klodian Pajuni

Presidenti i Distriktit Trapani – Itali, Senatori Prof. Dr. Girolamo Turano

Kryetari i Bashkisë Fier, Baftjar Zeqo

Kryetari i Bashkisë Lezhë, Viktor Tushaj

Drejtori i Parkut Kombëtar Arkeologjik të Apolonisë, Marin Haxhimihali

Rektori i EUFT, Prof. Dr Salvatore Messina

Dr. Francesco Redi - EUFT

Enver Mehmeti – President i ATA (ALbanian Tourism Association)

Rektori i Universitetit të Maltës

Prof Dr. Sebastiano Tusa – Universiteti i Napolit, Itali, Drejtor i Trashëgimisë Kulturore për Rajonin e Trapanit, Itali