Lista e kandidatëve që do të kryejnë kontrollin mjekësor për kursin e policisë

Tiranë, 31 maj, NOA – Drejtoria e Përgjithshme e Policisë ka publikuar sot listën e 160 kandidatëve që do t’i nënshtrohen kontrollit mjekësor para nisjes së kursit për punonjës i policisë, për Patrullë të Përgjithshme.

Trajnimi i tyre do të fillojë në datën 4 korrik 2011. Policia e Shtetit sqaron se për përzgjedhjen e 160 kursantëve që do të ndjekin këtë trajnim, sipas procedurave të përcaktuara, do të kryhet procesi i kontrollit mjekësor të kandidatëve pranë Qendrës së Profilaksisë së Policisë së Shtetit, e cila ndodhet në Qendrën e Formimit Policor.

Më pas, kandidatët do t’i nënshtrohen procesit të marrjes së gjurmëve të gishtave, si dhe procesit të verifikimit të të dhënave të kandidatit.

Kontrolli mjekësore dhe marrja e shenjave të gishtave për 160 kandidatët që kanë qenë në listë pritje do të bëhet në datën 08.06.2011, në orën 07.30’, në Qendrën e Formimit Policor, Sauk, Tiranë.

“Kandidatët duhet të paraqiten në datën dhe orën e mësipërme të pajisur me një foto për dokumente. Nëse gjatë kontrollit mjekësor do të ketë skualifikim të kandidatëve, atëherë do të procedohet me kandidatët e radhës në rend zbritës sipas listës së renditjes së kandidatëve fitues të shpallur më 22 qershor 2010”, thuhet në njoftimin e policisë.

160 kursantët ndodheshin në listë pritje, pasi ishin shpallur fitues gjatë fazave të mëparshme të konkurrimit.

Gjithashtu, për kandidatët që mund të kenë paqartësi me procesin, ata mund t’i drejtohen drejtohen pranë strukturave të Burimeve Njerëzore në Drejtoritë e Policisë në Qarqe ose pranë Sektorit të Pranimit në Drejtorinë e Përgjithshme të Policisë së Shtetit.

Kandidatët që do të paraqiten për t’iu nënshtruar kontrollit mjekësor janë:

a.k/NOA