SHBA, 1 Qershor NOA - Robert Pattinson vuan nga vetmia.
Djaloshi bukurosh protagonist i sagës së “Twilight” ka rrëfyer për revistën “Max”, se larg popullaritetit dhe kamerave, ai nuk ka miq dhe shpesh herë ndodh që gjendet i vetëm në hotel duke u dehur pas punës së lodhshme.
Aktori ka bërë të ditur dhe ëndrrën e tij në sirtar: të bëjë karrierë në fushën politike.
Edhe pse është shumë i famshëm dhe fansat e tij janë në një numër tepër të madh, sërish aktori ka pranuar se ndihet tepër i vetmuar dhe e vuan shumë këtë fakt.
“Tani askush nuk më merr ne telefon – thotë Pattinson në numrin e qershorit të revistës “Max” – Në momentin që kam mbaruar punën i marr të gjithë personat që njoh për të dalë dhe në rast se askush nuk është i disponueshëm atëherë qëndroj në hotel për tu dehur. Është e tmerrshme”.
r.b/NOA
