E mërkurë, 1 qershor 2011, NOA – Sot nis provimi i parë i Maturës Shtetërore për rreth 40 mijë maturantë shqiptarë, të cilët do të testohen në provimin e Letërsisë dhe Gjuhës Shqipe.
Testi i Letërsisë dhe Gjuhës përmbledh 25 pyetje, ndër të cilat 13 pyetje janë me alternativa dhe 12 pyetje me argumentim.
Ndërkohë njëra nga pyetjet argumentuese është esse.
Testi i Letërsisë dhe Gjuhës Shqipe u hartua nga ekspertët e Agjencisë së Vlerësismit dhe Arritjeve, të cilët u ngujuan për një javë për të mbajtur të sigurtë testin e hartuar, i cili vetëm sot do të hapet për maturantët, pasi është depozituar nën mbrojtjen e Policisë së Shtetit.
Korrigjimi i provimeve të Maturës do të kryhet në gjashtë qendra korrigjimi të miratuara nga MASH-i.
Ndërkohë, Ministria e Arsimit dhe Shkencës ka pajtuar dy korrigjues ekspertë për të kontrolluar me saktësi pyetjet.
Rezultati i provimeve pritet të dalë pas 14 ditësh.
Ndërkohë maturantët kanë hyrë tashmë në mjediset ku do të zhvillojnë provimin e Maturës Shtetërore, pasi sipas rregullit ata paraqiten një orë para nisjes së provimit, ndërkohë që kanë paraqitur në hyrje kartën e identitetit.
Provimi i Maturës Shtetërore nis në orën 10.00 dhe pritet të zgjasë rreth dy orë e gjysmë.
mit/NOA
