Tiranë, 2 qershor, NOA –Policia ka zbardhur një pjesë të ngjarjes që shokoi gjatë dy ditëve të fundit opinionin publik. Burime zyrtare nga Policia e Tiranë bëjnë të ditur për agjencinë e lajmeve NOA se; shtetasja 28 vjeçare, Grisela Roshi, lindur dhe banuese në Kavajë, bashkëshorte e z. Elvis Roshi, kryetar i bashkisë së Kavajës, i zgjedhur më 8 maj më mbështetjen e Partisë Socialiste, nuk ka qenë shtatzanë në ditët kur aludohet rrëmbimi dhe pengmarrja”.
Pas hetimeve intensive që nga marrja e padisë, forcat e policisë grupet ekspertëve dhe prokurorët e krimeve të rënda janë vënë në lëvizje dhe kanë hetuar të gjitha pistat e mundshme të hetimit. Verifikimet e para janë bërë në bazë të dëshmive që ka dhënë 28-vjeçarja.
Duke ju referuar dëshmive të vajzës dhe kontrollit mjeko-ligjor, policia ka arritur në përfundimin se nuk ka pasur shtatzëni dhe as pengmarrja siç pretendon 28-vjeçarja.
Burime zyrtare të policisë thanë pse për rastin në fjalë dy janë variantet e shtatzënisë së pretenduar; e para lidhet me një abort të kryer të paktën 30 ditë më parë dhe e dyta, mundësia e një shtatzënie imagjinare që nuk ka ndodhur kurrë.
Burimet shtojnë se brenda ditës së sotme do të dalin në mënyrë zyrtare arsyet se pse Griselda Roshi ka bërë këtë denoncim, i cili detyroi mediat ndërkombëtare që të bëjnë publikojnë një lajm të rrem.
a.k/NOA
