Tiranë, 2 qershor 2011, NOA - Prokuroria e Krimeve të Rënda hodhi poshtë zyrtarisht pistën e rrëmbimit me armë të Griselda Roshit, bashkëshortes së kryebashkiakut të Kavajës, nga persona të armatosur dhe marrjen peng të foshnjes së saj.
Në një deklaratë për shtyp të pak momenteve më parë Prokuroria për Krime të Rënda në bashkëpunim me Policinë e Shtetit regjistruan denoncimin e datës 01.06.2011 për rrëmbimin e Griselda Roshit dhe realizuan një sërë veprimesh hetimore për verifikimin e rrethanave të ngjarjes, për shkak edhe të sensibilitetin që paraqet ky rast që shokoi vendin, por jo vetëm.
Prokuroria thekson se “Në bazë të analizës të veprimeve hetimore të deritanishme, u arrit në konkluzionin se nuk ka elementë që të vërtetojnë rrethanat e pengmarrjes së shtetases Griselda Roshi, çfarë hedh poshtë pistën e variantit të rrëmbimit dhe marrjes peng të fëmijës së sapolindur”.
Ndërkohë, Prokuroria e Krimeve të Rënda, në bashkëpunim me Policinë e Shtetit, po punojnë për sqarimin e arsyeve dhe motivimin e denoncimit.
Ngjarja e rëndë që ka shokuar vendin duket se po merr një rrjedhë tjetër, që pritet ta zgjidhë disi edhe ekspertiza mjeko-ligjore.
mit/NOA
