Shkup, 3 qershor 2011, NOA- Partitë politike të cilat garojnë për zgjedhjet e së dielës më 5 qershor, ditën e sotme e kanë pasur të fundit për fushatën elektorale, pasi dita e nesërme shënon heshtje zgjedhore.
Një fushatë e cila ka zgjatur për një muaj rresht ka përballur programe, platforma, ide dhe kandidatë mes tyre, të cilët u kanë kërkuar votën qytetarëve, për mandatin e ri qeverisës.
Pjesë e kësaj gare janë edhe partitë politike shqiptare, ku kreu BDI-së, Ali Ahmeti, para simpatizantëve të partisë së tij në Shkup, tha se ka ardhur momenti që përfundimisht të zgjidhet çështja e emrit mes Shkupit dhe Athinës dhe Maqedonia të vazhdojë rrugën e integrimit të saj drejt NATO-s dhe BE-së.
Ndërkaq PDSH nën drejtimin e Menduh Thaçit, nga Gostivari akuzoi qeverinë e kryeministrit Gruevski se ka përdorur një plan nazist për të asimiluar shqiptarët.
Sipas Thaçit, aparati shtetëror në bashkëpunim me disa shqiptarë ka përdor forma të ndryshme për të shkatërruar PDSH-në që sipas tij është e vetmja parti që mbron interesat kombëtare.
Ndërsa Rilindja Demokratike Kombëtare mbajti tubimin me qytetarët e Shkupit dhe ku kryetari i RDK-së, Rufi Osmani deklaroi se RDK do ti çoj në një muze politikë konkurrentët.
Më tej Bashkimi Demokratik Shqiptar nën drejtimin e kryetarit Bardhyl Mahmuti nga Tetova në takimin përmbyllës të mbrëmjes së sotme u shopreh se, simpatizuesit dhe qytetarët anembanë vendit duhet të votojnë platformën e kësj partie, për të votuar antidiskrimin të shqiptarëve në Maqedoni.
a.y/NOA
