Shijak, 3 qershor 2011, NOA- Një vrasje ka ndodhur pasditen e sotme në fshatin Koxhasë të Shijakut ku një 50 vjeçar ka ngelur i vdekur.
Një konflikt mes kushërinjsh ka bërë që Tahir Guza të humbë jetën i vrarë me çifte nga kushëriri i tij Pëllumb Guza.
Menjëherë sapo ka kryer krimin autori është larguar nga vendngjarja, për të mos u përballur me pasojat e veprës.
Sipas të dhënave paraprake flitet se sherri mes tyre ka ndodhur për motive të dobëta.
Lidhur me këtë ngjarje uniformat blu kanë mbërritur në vendngjarje, ku pritet të japin më shumë detaje lidhur me këtë rast si dhe për gjetjen dhe kapjen e autorit.
a.y/NOA
