U zhvillua sot në Gjykatën e Lartë seanca gjyqësore me kërkues të dëmtuar akuzues Zyber Lela ndaj ministrit aktual të Mjedisit Fatmir Mediu, etj. me objekt “Plagosje e rëndë nga pakujdesia”.
Gjatë kësaj seance, nga ana e shtetasit Zyber Lela, është paraqitur përpara Kolegjit Penal heqja dorë nga kërkesa kundër z. Fatmir Mediu.
Në këto rrethana Kolegji Penal i Gjykatës së Lartë, vendosi “pushimin e çështjes penale ndaj të akuzuarit Fatmir Mediu. Shpalljen e moskompetencës lëndore për gjykimin e çështjes ndaj të akuzuarve të tjerë; Ylli Pinari, etj. dhe dërgimin e çështjes për kompetencë Gjykatës së Rrethit Gjyqësor Tiranë.
