Romë, 11 maj, NOA - Prokurori i Foggias Vincent Russo ka deklaruar se kanë ardhur rezultatet e analizave të gjurmëve gjetur në bagazhin e makinës së Matthias Schepp, babai i binjakeve të zhdukura muaj më parë.
Bëhet fjalë – ka shpjeguar prokurori- për disa dozave të vogla të pështymës së një prej binjakeve. Hetuesit zvicerane, shtoi ai, tashmë janë njoftuar dhe pritet brenda 30/40 ditëve të qartësohet nëse pështyma përmban gjurmë të helmit ose të ndonjë ilaci gjumi vdekjeprurës.
Dy binjaket zvicerane u zhdukën më 31 janar 2011 në Zvicër, Lausanne, kur i ati me origjinë kanadeze, i cili ndante kujdestari të përbashkët me ish gruan e tij i mori nga shtëpia e nënës së tyre.
43 vjeçari vrau veten më 3 shkurt duke u hedhur nën trenin Eurostar Milano-Bari, nga stacioni hekurudhor i Cerignola, provincë e Foggias dhe nuk dihet më asgjë për fatin e vajzave.
Nga Marseille ai kishte bërë një tërheqje të konsiderueshme prej 7.000 eurosh, edhe pse në trupin e tij u gjetën vetëm 100 euro. Franca, Zvicra dhe Italia, por dhe shumë vende të tjera evropiane janë përfshirë në kërkimin e dy vogëlusheve. Kryesisht policia po përpiqet të ndjekë lëvizjet e babait me shpresën se binjaket janë ende gjallë.
a.e./NOA
