Shijak, 12 qershor 2011, NOA- Paraditja e sotme ka tronditur Shijakun për shkak të një sherri të ndodhur në mes të qytetit.
Sipas të dhënave paraprake mësohet se të përfshirë në konflikt kanë qenë A.Vlashi dhe B.Jeshili të cilët kanë ngelur të plagosur nga një person i tretë.
Sipas bluve të qytetit bëhet me dije se ka qenë Gani Dama ai që ka sulmuar dy personat e mësipërm të cilët i ka lënë të plagosur me thikë.
Pas ndërhyrjes së qytetarëve dhe të uniformave blu është bërë e mundur kapja e autorit i cili në momentin e sherrit ishte i pirë dhe se shkak për këtë përplasje të kenë qenë motive të dobëta, dhe shkëmbim fjalësh mes tyre.
Dy të plagosurit u dërguan menjëherë drejt spitalit për të marrë ndihmën e shpejtë dhe sipas bluzave të bardha të dy ndodhen jashtë rrezikut për jetën.
Sakaq nga ana e bluve të qytetit u bë shoqërimi i Gani Damës dhe nisi puna për zbardhjen e mëtejshme të rastit.
a.y/NOA
