Fier, 13 qershor 2011, NOA – Trupi i pajetë i 73-vjeçarit Jashar Boriçi është gjetur paraditen e sotme i mbytur në një kanal uji në periferi të Rroskovecit në Fier.
I mbyturi u gjet nga banorë të zonës rreth orës 11.00.
Kanë qenë vetë banorët që pasi kanë parë të pluskojë në ujin e kanalit trupin e pajetë të të moshuarit kanë lajmëruar policinë e Fierit, e cila nisi hetimin duke kqyrur vendin e ngjarjes.
Pas kqyrjes së trupit nga ekspertët e Mjekësisë Ligjore në trupin e viktimës nuk u vërejtën shenja dhune.
Sipas hetimeve 73-vjeçari Jashar Boriçi është vetmbytur në një kanal vaditës uji.
Policia po punon ende për zbardhjen e rrethanave dhe shkaqeve të mbytjes së të moshuarit.
mit/NOA
