Itali, 14 Qershor NOA - “Vera bën mirë për qarkullimin e gjakut”, - këto kanë qenë këshillat e gjyshërve tanë, që shpesh herë na kanë “detyruar” të konsumojmë qoftë dhe një gotë verë të kuqe në ditë.
Por a kishin të drejtë ata realisht në këtë hipotezë të tyre?
Duke u bazuar në studimin e kryer në Itali, “The Mediterranean diet: a cultural journey”, të publikuar në The Lancet, konsumimi i moderuar i verës, është shumë më efikas se sa mos të pish aspak këtë pije.
Edhe një herë tjetër, ky virtyt i saj qëndron në mes: të pish shumë dhe mos të pish aspak, ku fitues del gjithmonë mënyra e moderuar.
Ky kërkim, i italianëve Roberto Ferrari dhe Claudio Rapezzi, tregon, faktikisht, se ata persona që konsumojnë verë, kundrejt birrës, janë më të prirur të ndjekin një dietë mesdhetare dhe në këtë mënyrë të zgjidhin ushqime tepër të shëndetshme.
r.b/NOA
