Tiranë, 16 qershor 2011 NOA- Kuvendi rrëzon propozimin e Presidentit të Republikës, Bamir Topi për emërimin e Manjola Bejlerit si anëtaren më të re të Gjykatës së Lartë. Në mungesë të opozitës, e cila që prej zgjedhjeve vendore të 8 majit, bojkoton kuvendin, deputetë të mazhorancës kanë votuar për 3 dekretet e presidentit Topi për Gjykatën e Lartë. Kështu, me 72 vota pro janë votuar Shkëlzen Selimi dhe Edmond Islamaj, si dy propozimet e Topit për vendet vakante në Gjykatën e Lartë, ndërkohë që deputetët demokratë kanë votuar kundër emrit të tretë, Manjola Bejlerit. Pro propozimit të Topit për Bejlerin votuan deputetë të LSI-së, mes të cilëve edhe kreu Ilir Meta, ndërkohë që deputetët e PDIU-së, Idrizi dhe Tahiraj kanë abstenuar.
a.q/NOA
