Tiranë, 16 qershor 2011, NOA – Pas kthimit mbrapsht të tre dekreteve, në seancën e sotme plenare Kuvendi i Shqipërisë pritet të miratojë njërin nga dekretet e presidentit për kandidaturat e reja për Gjykatën e Lartë dhe atë Kushtetuese.
Tre dekretet e presidentit u rrëzuan dy ditë më parë në Komisionin e Ligjeve pa praninë e deputetëve të opozitës, dhe pëlqimin e deputetëve të mazhorancës e ka marrë vetëm njëri prej tyre.
Në seancën e sotme pritet të votohen kandidatura e Fatmir Hoxhës për Gjykatën Kushtetuese dhe dy dekretet e presidentit për anëtarët e Gjykatës së Lartë.
Pas rrëzimit të kandidaturës së Manjola Bejlerit, me pretendimin se ajo si gjyqtare ka shumë çështje të pambyllura në gjykatë, pritet të votohen sot edhe dy kandidaturat e tjera për anëtarë në Gjykatën e Lartë, Edmond Islamaj dhe Shkëlzen Selimi.
Në seancë pritet të jetë i pranishëm edhe kryeministri Sali Berisha, ndërkohë që bojkoti i opozitës pritet të thyhet vetëm nga dy deputetë të saj, Kastriot Islami dhe Andis Harasani.
mit/NOA
