Shkodër, 16 qershor 2011, NOA – Një i mitur është zbuluar si vjedhësi i 150 mijë lekëve të reja në një pikë lavazhi makinash në fshatin turistik të Velipojës në Shkodër.
Paratë e vjedhura ishin brenda makinës në pronësi të shtetasit 47-vjeçar S. S., i cili pas konstatimit të humbjes së parave ka bërë dhe kallëzim penal.
Falë hetimit policia e Shkodrës kapi si autor të vjedhjes 16-vjeçarin Xhulio H., lindur e banues në fshatin Barbullush, në Komunën Bushat të qytetit të Shkodrës.
Pas kapjes, 16-vjeçarit iu gjetën edhe paratë e vjedhura, të cilat i mituri i kishte fshehur tek një makineri pastrimi.
16-vjeçari Xhulio H. do të procedohet penalisht nga Prokuroria e rrethit për vjedhje.
mit/NOA
