Berlin, 17 qershor 2011 NOA- Franca dhe Gjermania duan të kontribuojnë së bashku për shpëtimin e Greqisë dhe sigurimin e euros. Kjo u theksua nga kancelarja Angela Merkel pas takimit me presidentin francez Nikolas Sarkozy në Berlin.
Mediat gjermane pohuan se dy politikanwt ranw dakord se shpëtimi i financave greke duhet bërë me pjesëmarrjen e kapitalit privat, mbi baza vullnetare. “Rregullat përkatëse do të përpilohen në bashkëpunim me Bankën Qendrore Evropiane”, ka deklaruar Merkel.
"Evropa dhe Euro janë të lidhura ngushtë me njëra-tjetrën, prandaj ne do të bëjmë gjithçka për të ruajtur stabilitetin e euros."
Ndërsa presidenti francez, Nicolas Sarkozy theksoi angazhimin e përbashkët: " Më lejoni t'iu them se Franca dhe Gjermania kanë të njëjtin pozicion lidhur me situatën aktuale, Greqinë dhe eurozonën. Angazhimi i Francës dhe Gjermanisë, kur bëhet fjalë për stabilitetin e euros është në nivelin më të lartë."
a.q/NOA
