Tiranë, 19 qershor 2011, NOA- (Update) Komisioni Qendror i Zgjedhjeve po vijon numërimin e votave të kontestuara të njësisë bashkiake numër 2, nga ku rezulton të kryeson kandidati demokrat Lulzim Basha me 93 vota.
Ndonëse nga ana e përfaqësuesve socialist në komision theksohet se ka parregullsi në procedurë, kuti dhe fletë votimi, leximi i tyre nxjerr në disavantazh kandidatin socialist nga numërimi i bërë deri në orën 13.15.
Nga numërimi i ditës së djeshme të minibashkisë numër 2 Basha ruajti avantazhin me 83 vota.
Sakaq në total janë për tu numëruar 190 kuti që i përkasin njësisë bashkiake numër 2 në kryeqytet.
Ky numërim, votash bëhet pas miratimit të projekt-aktit ditën e djeshme nga ky komision në zbatim të vendimit të së hënës së shkuar të Kolegjit Zgjedhor, nga ku u urdhërua numërimi i fletëve të kontestuara në 369 qendra votimi.
a.y/NOA
