Prishtinë, 19 qershor 2011, NOA- Policia e Prishtinës ka arrestuar dy persona pas marrjes dhe grumbullimit të të dhënave, ku u gjetën dhe sekuestruan 5.5 kilogramë heroinë.
Mësohet se arrestimi i personave të dyshuar është kryer dje në orët e vona të pasdites në pikën e kalimin kufitar në Merdarë, ku operacioni i koduar “Gardhi”, bëri të mundur kapjen e Sh. Nrecaj e seksit femër 35 vjeçe dhe E. Maliqi i moshës 25 vjeçare i seksit mashkull, të dy të ndaluarit me shtetësi Sllovene.
Në cilësinë e provës materiale u sekuestrua sasia e drogës së gjetur e cila mendohet të kapi shifrën e 120. 000 euro, por krahas saj u sekuestrua edhe makina ku ishte fshehur substanca narkotike, tre celularë dhe dy pasaporta.
Kurorëzimi i kij misioni u bë i mundur falë bashkëpunimit me Policinë Kufitare.
a.y/NOA
