Luksembur, 21 qershor 2011 NOA- Ministri i Punëve të Jashtme të Shqipërisë, z. Edmond Haxhinasto ka deklaruar për mediat rrugët që Shqipëria duhet të ndjekë pas apelit të ndërkombëtarëve për periudhën pas zgjedhjeve si dhe në lidhje me mesazhet që ai ka marrë në forumin “BE-Ballkani Perendimor” që u zhvillua në Luksemburg.
Në një konferencë për shtyp të zhvilluar pas këtij forumi, Zv.Kryeministri dhe Ministri i Puneve te Jashtme Haxhinasto tha për gazetarët se mesazhi i ndërkombëtarëve është që të respektojë ligjin, institucionet e saj për të mbyllur me sukses procesin zgjedhor dhe më pas, të angazhohet në një reformë zgjedhore e cila të arrijë të përmirësojë të gjithë ato standarte që janë vënë re ose që janë treguar nga rekomandimet e raporteve të OSBE/ODIHR-it por dhe nga vetë praktita se si u zhvilluan këto zgjedhje të fundit.
“Çështja e shërbimeve të Komisionit të Venecias ka të bëjë me legjislacionin që do të amendohet, për zgjedhjet e vitit 2013”, ka deklaruar kryediplomati shqiptar.
a.q/NOA
