Tiranë, 23 qershor 2011, NOA – Në ditën e gjashtë dhe të fundit të hapjes së kutive në Komisionin Qendror të Zgjedhjeve, ajo që pritet nga të gjithë është shpallja e kryetarit të bashkisë së Tiranës, për mandatin e ri katërvjeçar, 2011-2016.
Kjo pyetje na shoqëron të gjithëve ashtu sikundër edhe hetimi administrativ për votat e hedhura në kutitë e gabuara dhe numërimi tyre hyn përmes ekranit Live në çdo mjedis.
Sot KQZ po hap 496 kutitë e njësisë bashkiake nr. 11 në kryeqytet, nga ku pritet të vlerësohen edhe votat e fundit të hedhura nga zgjedhësit e Tiranës në kutitë e gabuara.
Deri më tani kandidati i koalicionit të “Aleancës për Qytetarin”, Lulzim Basha udhëheq garën për drejtimin e bashkisë së kryeqytetit me 78 vota.
Beteja e shifrave për bashkinë është drejt fundit, por shpallja e fituesit duhet të respektojë edhe afatet ankimore të procesit sipas Kodit Zgjedhor.
mit/NOA
